Habang
Naghihintay
By Franklin T.
Lalaki:
Hinihintay kita oh mahal ko
Nangungulila at nananabik sa piling mo
Nangangarap na maibigay sa iyo
Sadyang kay tagal na mapalapit sa iyo
Babae:
Mangarap ka naako’y mapasa’yo
Ngunit pag-asa mo’y di ko masisiguro
Sapagkat di lang ikaw ang naghihintay sa mundo
Na makamit at matamo ang minimithi mong “Oo”
Lalaki:
Panahon at oras handa kong ilaan
Hamakin ko man ang sundalong sangdaan
Hindi lamang sa kanila kita ipaglalaban
Kun’di pati sa Dios gamit ang panalanginan
Babae:
Maaaring ikaw ang tipong hahamakin ang lahat
Ngunit totoo kayang ang puso mo’y tapat
Sapagkat ang puso ko’y handang ibigay ang lahat
Ngunit nangangamba na ito’y iyong bigyan ng sugat
Lalaki:
Pangamba at takot di ko sa iyo idudulot
Pangako ko yang di mababaluktot
Sapagkat sa panahong iyong ipapahintulot
Yamang pag-ibig ng puso ko ang aking isusuot
Babae:
Iyong pananambit purong minatamis
Lahat ay lubhang malayo sa aking ninanais
Katotohana’y sadyang nalilihis
Sapagkat tunay na pag-ibig sa Dios nawawangis
Lalaki:
Oh binibini di na kita maunawaan
Bakitsa iyo ako’y isang bulaan
Hindi ko alam sa kung papaano pang paraan
Itong pag-ibig sa puso ay patutunayan
Babae:
Hindi lamang panahon ang nais kong iyong ibigay
Dahil higit pa riyan ang aking hinihintay
Nais ko’y ialay ang iyong buhay
Sa Dios na siyang nagpapala sa nag-aantay
(Panandaliang paghinto sa pagbabago ng pananaw)
Lalaki:
Habang naghihintay aking patutunayan
Dahil ika’y mahal Dios natin ay paglilingkuran
Habang nag-aantay di ko Siya tatalikuran
Sabayang
pagbigkas:
Dahil habang naghihintay tayo’y kanyang sasamahan
Sa pag-ibig nitong ating buhay
No comments:
Post a Comment