Tamang Edad ng Kabataan Bago Pumasok sa Relasyon

Sa Panulat Ni Jubileen Lee

Ano nga ba ang tamang edad ng kabataan bago pumasok sa isang relasyon? Labingwalong taon (18)? Labinsiyam na taon (19) o dalawampung taon(20)?

Iba na ang henerasyon ngayon, hindi na katulad ng dati.

Sa nagbabagong henerasyon ay nagbabago rin ang mga tao, lalo na ang mga kabataan.

Sa panahon ngayon, mas nagiging curious at insecure na ang mga kabataan sa mga bagay-bagay, sa kung ano meron doon, kung ano ang meron diyan, kung paano yon, kung saan yan, kung kailangan ba yan, kung ano yon at kung ano yan at marami pang iba.

Sa kakatanong ng kabataan, minsan naiisip nila na “kung gawin ko kaya ito.”

At dahil hindi pa nila ito masyadong alam ay naguguluhan sila kung sino ang uunahin, ang pamilya, ang kaibigan, ang kasintahan o ang pangarap.

Hindi masamang magkaroon ng kasintahan, basta ang mahalaga ay hindi ka babagsak.
Ano nga ba ang tamang edad ng kabataan bago pumasok sa isang relasyon?

Para sa akin, hanggang sa kaya mo nang panindigan desisyon mo, hanggang sa kaunti nalang ang iniintindi mo.

Hindi dapat madaliin ang pakikipagrelasyon dahil baka mauwi lang ito sa masama, katulad ng maagang panganganak, depression, pagkakahiwalay sa magulang at pagkakaroon ng masamang bisyo.