Ang Ama ng Selfy

Sa panulat ni: Pa’y Mundo

Ewan ko kung narinig n’yo na ang kwento tungkol sa unang selfy. Pero, sige, i-kwento ko sainyo in a trying hard way. Ganito kasi yun…
 
Noong unang panahon na yung lupa ay malapit pa raw sa Langit, at ang tao'y natatanaw pa ng mga diyos at diyosa, eh mayroon raw isang lalake na isinilang na talagang perpekto sa kagwapuhan; lahat ng mga pogi sa East and West ngayon ay talbog daw sa kanya….ang pangalan niya ay Narcissus.

Si Narcissus ay isang binatang ubod ng kisig, at talagang gandang lalake. Napakaganda ng kanyang itsura, na anupat napapatili ang lahat kapag siya ay nakita. Tila anghel ang kanyang mukha na napakakinis, siya ay may mapulang labi, matangos na ilong, medyo makapal na kilay at nagniningning na mga mata (don’t worry, di sya flashlight). Talbog ang mga hot na mga Hollywood actors sa kanya, as in.

Eto pa, ang kanyang katawan (lalo na yung abs) ay kayganda ng hubog na tila inukit ng mahusay na iskultor. Walang nilalang sa lupa na hindi hahanga sa kakisigan ni Narcissus, na anupat kahit daw yung mga ibon ay nahihimatay pag nakita siya…grabe talaga.
 
Sa katunayan, maging ang mga diyos at diyosa sa kalangitan ay humahanga at sumasaya sa tuwing siya’y natatanaw. Ngiti pa lang kasi, eh ulam na.
 
Well, hindi lingid kay Narcissus ang kanyang perpektong kakisigan, kung kaya't ganun na lamang ang kanyang pag-iingat para sa kanyang mukha at katawan. Actually, maging siya nga eh, nahumaling narin sa kagandahan ng sarili.  At dahil nga raw sa sobrang paghanga ng binata sa kanyang sariling katangian eh walang oras raw na hindi niya tinitingnan sa tubig ang repleksyon ng kanyang kahali-halinang sarili. By the way ito pa pala, kahit daw yung mga Miss Universe natin ngayon ay magmumukang lalake, kapag itinabi kay Narcissus.
 
Now, isang araw, kinailangan ng binatang si Narcissus na maglakbay sa ibang lugar, kung saan ay kailangan niyang bagtasin ang mga gubat.
 
Ang paglalakbay na iyon ay naging mahirap para kay Narcissus. Hindi kasi sana'y ang kanyang maamong mukha at pambihirang katawan sa paglalakbay ng malayo. At ito pa ang masakit para sa kanya, eh since yung kanyang halos na nadadaanan sa paglalakbay ay mga puno at halaman, eh wala siyang time para makita or ma-check ang repleksyon ng sarili sa tubig; bagay syempre na kinasasabikan niyang gawin.

At yun nga isang araw, anong saya ang kanyang nadama ng makakita siya ng batis.  Nagmamadali na lumapit si Narcissus sa batis at tiningnan nito ang sarili sa tubig. At yun nga, halos mapahiyaw siya sa tuwa noong masilayan ang sarili sa tubig. Tuwang-tuwa talaga siya. Halos mapaiyak siya sa kagandahan ng kanyang itsura! As in, hindi niya ma-carry ang reaction niya. Iba’t ibang porma ng pagpapa-cute ang ginawa niya, gamit ang kanyang mata, ilong, labi, pilik-mata, at pati narin ang kanyang katawan ay talagang isinasabay niya ang porma sa paghanga niya sa kanyang mukha. Halos yung mga diyos at diyosa sa Langit ay mag-selos sapagkat kulang na lang ay sabihin ni Narcissus sa sarili, “Oh sambahin ang maganda kong mukha!”
 
At ito pa, para mas lalong makita ni Narcissus ang sarili, eh lalo niya pang inilapit ang mukha sa tubig. Pero…. (oh no!) bigla nalang nadulas ang binata at nahulog pabulusok sa tubig (as in una yung mukha), at ang masakit pa nito ay sumubsod sa magaspang at tila matinik-tinik na bato ang kanyang maamo at magandang mukha (oh men!!! That hurts you know!). And in respect, removing all the paglalarawan sa nangyari sa kanyang maamo, cute, at magandang mukha…eh, namatay si Narcissus, kasi  nalunod siyang wasak ang maamo, cute, at maganda niyang mukha! Tsk! Hay!

May mga Lessons tayong matutuhan sa kwento na ito:

1. Handle your Beauty with Care. Relax lang. Ang ganda mo nga, baliw ka na naman.
2. Dapat ang Beauty ay with Brain. Ganda mo nga, wala namang laman utak mo.
3. Mag-ingat sa Pag-selfy kasi may mga “bato” sa paligid na maaring mag-endanger ng life mo.  Ang mga “bato”  na iyan ay pwedeng yung labis mong paghanga sa sarili, na naghahatid na sayo sa Self-centeredness, Pride, at Selfishness. Pwede ring maging “bato” yung mga personal information mo na nilalagay sa mga Social Networking media, gaya ng Facebook, na anupat madali kang ma-detect ng mga mapagsamantalang Tao, upang samsamin syempre ang kinahuhumalingan mong mukha.
   

Well, anong bato ang wawasak sa cuteness mo? Pag-isipan. Think…before you Selfy.
 
Sabi nga sa isang quote:

“The emptiest people on this planet are usually the ones full of themselves.”