EsP 7 Modyul 3 Hilig: Daan Para sa Makabuluhan Pagtatrabaho

Panahon ng Pagsibol

EsP 7 Modyul 3 Pagpapaunlad ng mga Hilig

Kahulugan ng Hilig
         Ang hilig ay preperensiya sa mga particular na uri ng gawain. Ang mga ito ay gumaganyak sa tao na kumilos at      gumawa.Nagsisikap ka kung may motibasyon dahil gusto mo ang iyong ginagawa, hilig mo ito at nagagabayan ka ng mga pagpapahalaga na makatutulong sa iyong pag-unlad (Santamaria, 2006).
     Ang hilig ay maaaring:
            a.Ito ay natutunan mula  sa ating mga karanasan
            b.Ito ay minamana mula sa ating magulang
            c.Galing sa ating mga pagpapahalaga at kakayahan

        Ang hilig ay nagsisilbing gabay sa pagpili ng mga gawain. Ang nasisiyahang gawin ang isang gawain ay nagsisikap na matapos at may pagmamalaki sa gawaing maayos. Ito ay nagbibigay sa kanya ng paggalang sa sarili at pagpapaunlad sa kaniyang tiwala sa sarili.
 
   Mga Paraan ng Pagtuklas ng Hilig
    1.Pagnilayan ang iyong mga hilig na libangan (hobby) at paboritong gawain.
    2.Siyasatin ang mga gawaing nakakapagpapasigla sayo.
    3.Suriin ang mga gawaing iyong iniiwasan gawin.

    Mga Larangan ng Hilig
    1.Outdoor – nasisiyahan sa mga gawing panlabas
    2.Mechanical – nasisiyahan sa paggamit ng mga kagamitan (tools)
    3.Computational – nasisiyahan na gumawa gamit ang bilang o numero
    4.Scientific – nasisiyahan sa pagtuklas ng bagong kaalaman, pagdisensyo at pag-imbento ng mga    bagay o produkto.
    5.Persuasive – nanghihikayat at nasisiyahan sa pagkikipag-ugnayan sa ibang tao o pakikipagkaibigan
    6.Artistic – nagiging malikhain at nasisiyahan sa pagdidisenyo ng mga bagay
    7.Literary – mga taong nasisiyahan sa pagbabasa at pagsulat ng mga akdang pampanitikan
    8.Musical – nasisiyahan sa pakikinig o paglikha ng awit o pagtugtog
    9.Social services – nasisiyahang tumulong sa ibang tao
    10.Clerical -  nasisiyahan sa gawaing pang-opisina

EsP 7 Modyul 2 Talento Mo: Tuklasin at Kilalanin

Kahulugan ng Talento at Kakayahan

   Talento
    - ay tumutukoy sa pambihirang kakayahan ng isang tao noong siya ay isinilang.
    - (Webster) ang talento ay ginagamit na kasingkahulugan  ng biyaya at kakayahan. Ito ay biyaya na dapat ibahagi sa iba at likas na kakayahan na kailangan tuklasin at paunlarin.
    - (Thorndike & Barnhart) ang talento ay isang pambihira at likas na kakayahan.
    -(Sikolohista) ang talento ay may kinalaman sa genetics o mga pambihirang katangiang minana sa magulang.
    -Ang talento ay mahirap sukatin, masusukat lamang ito kapag nasaksihan o may naitalang tagumpay.
 Ayon kay Sean Covey, 7 Habit of Highly Effective Teens, ang bawat tao ay may talento at kakayahan.
   
 Kakayahan
    -Ang kakayahan ay kalakasang intelektuwal (intellectual power) upang magawa ang isang pambihirang bagay tulad ng kakayahan sa musika.
    -Ang kakayahan ay masusukat sa pamamagitan ng pamantayang pagsusulit.
    -Kailangang pagtuunan ng oras at panahon ang kakayahan dahil ito ang nagpapahusay sa taglay na talento.
     Si Howard Gardner ay nagsabi na ang bawat tao ay may iba’t ibang talino. Ito ay kanyang teorya na Multiple Intelligences.

       Kailangan paunlarin ang talento at kakayahan dahil hindi sapat ang likas na kakayahan upang maging bihasa at matagumpay sa anumang larangan (pagsasanay). Mahalaga rin ang  pagkakaroon ng hilig sa larangang pinasok. Magkaroon ng tiwala sa sarili.
      Ang tiwala sa sarili ay paniniwala sa sariling kakayahan.  Kapag ang tao ay nawawalan ng tiwala sa kanyang sarili, maraming pagkakataon o oportunidad ang maari niyang palampasin. Ang tiwala sa sarili ang hindi namamana kundi natutunan, hindi pangkalahatan bagkus iba’t ibang antas sa bawat sitwasyon, nagbabago sa paglipas ng panahon at hindi ito nakasalalay sa mga bagay na labas sa ating sarili.
      Ayon kay Sean Covey, ang pag-unlad ay nagsisimula sa sarili. Kaya kilalanin ang mga talento at kakayahan upang masimulan ang plano sa pagpapaunlad ng sarili.


Ito ay tulong para sa mag-aaral ng EsP Grade 7. Ito ay mula sa aklat ng Edukasyon sa Pagpapakatao 7 Kagamitan ng Mag-aaral Kagawaran ng Edukasyon ng Pilipinas,Unang Edisyon 2013, p. 39-47.